इटहरी, पुस २३ शैक्षिक भ्रमणका लागि हिडेका सुनसरी मधेलीका चार जना विद्यार्थी शनिबार बिहान बसको छतबाट खसेर घाइते भएका छन्। पूर्व-पश्चिम राजमार्ग अन्तर्गत मोरङ् गोठगाउँमा तिव्र गतिमा रहेको बस बाटुवा यात्रीलाई जोगाउँन क्रममा अचनाक ब्रेक लगाउँदा चार जना विद्यार्थी बसको छतबाट खसेर घाइते भएका हुन्।
मधेलीको श्री मजदुर किसान माध्यमिक विद्यालयबाट झापाको जामुनगाछी शैक्षिक भ्रमणका लागि हिडेका विद्यार्थी चढेको ना २ ख ९७८१ नम्बरको बसबाट खस्दा कक्षा-९ मा अध्ययनरत्त नबीन चौधरी, बसन्त शर्मा, हेमनारायण चौधरी र भीम थापा घाइते भएको प्रहरीले जनाएको छ।
शिक्षक दिनेशकुमार चौधरीले अनुसार घाइते विद्यार्थीको हातखुट्टामा असर गरेको छ। घाइते सवैको वीपी कोइराला स्वास्थ्य विज्ञान प्रतिष्ठान धरानमा उपचार भइरहेकJ छ। विद्यालय व्यवस्थापन समिति सदस्य सावित्री चौधरीका अनुसार बसका चालकले बडो बुद्धिमानीपूर्वक गाडी पल्टिनबाट बचाएकाले गर्दा ठुलो मानवीय क्षती भने भएन्। विद्यालयले सामाजिक विषय २५ पूर्णङ्कका लागि बर्षेनी शैक्षिक भ्रमणमा लाने गरेको छ।
Subscribe to:
Post Comments (Atom)
No comments
Post a Comment