शङ्कास्पद सामग्री भेटिएपछि विर्तामोडबासी आतङ्कित

झापा, पुस ७- विर्तामोडको मुख्य चोकमा शङ्कास्पद वस्तु भेटिएपछि स्थानीयबासी आतङ्कित भएका छन्। मुक्ति चोकमा एउटा झोलामा भेटिएको तारजडित सामान बम हुनसक्ने शङ्काले वरपरका बासिन्दा त्रसित भएका हुन।


बटुवाले देखेर प्रहरीलाई खबर गरेपछि विर्तामोडमा आतङ्क छाएको छ। अहिले उक्त स्थानमा सर्वसाधारणको ठूलो भीड लागेको छ। नेपाली सेनाको बम डिस्पोजल टोली घटनास्थल पुगेको छ। 'बम हो कि के हो ? थाहा छैन', विर्तामोड प्रहरीले भन्यो- तर शङ्कास्पद वस्तु भेटिएको छ, डिस्पोजको तयारी हुँदैछ।