'मिडिया इन्टरनेशनल'नामक संस्थाको मंगलबार उद्घाटन गर्दै उनले राजनीति गर्नु त्याग भए पनि नेताहरूले पदका लागि मरिहत्ते गर्दा जनतामा नेताहरूप्रति नै घृणा आउन थालेको बताए।
आफूहरू शान्ति र संविधानको कहिल्यै विरोधी नभएको प्रष्ट पार्दै उनले हरुवा-चरुवा, हलिया, कमैया, सुकुम्बासी, पिछडा वर्गको अधिकारका पक्षमा आवाज उठाउँदा जबरजस्ती शान्ति र संविधानविरोधी भनेर प्रचार गरिएकामा असन्तुष्टि जनाए।
नेपाली कांग्रेसदेखि माओवादीसम्मले २००७ सालदेखि २०५२ सम्म पटक-पटक बन्दुक उठाउँदा पनि जनताका हक/अधिकारहरू संस्थागत हुन नसकेकाले ती हक/अधिकारलाई नयाँ संविधानमा संस्थागत गरी दीगो शान्ति स्थापना नगरेसम्म पुनः बन्दुक उठाउनुपर्ने अवस्था आउँछ भनेर आफ्नो विचार समूहले आवाज उठाएको उपाध्यक्ष वैद्यको भनाइ थियो।
No comments
Post a Comment