बबरमहल पिडितलाई आठ लाख ५० हजार दिइने I

धादिङ/ बबरमहल बम बिष्फोटमा मारिएकाहरुलाई सरकारले आर्थिक सहयोग दिने भएको छ । फागुन १५ गते बबरमहलमा बम बिष्फोट हुंदा धादिङ जिल्लाको बैरेनी गाविस वडा नम्बर ६ का मानवहादुर तामाङ, वडा नम्बर १ का कृष्णवहादुर तामाङ र पिडा गाविस भष्मेखर्कका बिरवहादुर तामाङको ज्यान गएको थियो ।

वम विष्फोटमा परेर निर्दोष नागरिक मारिंदा पनि सरकारले आर्थिक सहयोगका लागि कुनै चासो नदेखाएपछि बबरमहल घटनामा पिडितभएकाहरु संघर्ष समिति गठन गरेर सडकमा उत्रिएका थिए । जिल्लाका विभिन्न संघ संस्था,नागरिक समाजका प्रतिनिधीका साथै स्थानीयसमुदायले समेत पिडितहरुको आन्दोलनलाई समर्थन गरि तत्काल आर्थिक सहयोगका लागि सरकारी निकायलाई दवाव दिएपछि सरकारले जेठ २ गते मृत्तकका परिवारलाई सहायता वापत प्रतिपरिवार आठ लाख ५० हजार रुपैया सहयोग गर्ने निर्णय गरेको हो ।